СЬЫЛӦЙ, ВОРСӦЙ, ГАЖӦДЧӦЙРытыс талун тӧлыся, Разалӧмны кымӧръяс. Нӧрыс йывті кӧлысьӧн Гуляйтӧны ныв-зонъяс. На вылӧ ме видзӧда — Стройнӧйӧсь да мичаӧсь, Видзӧдӧны сӧдзыда — Шудаӧсь да гажаӧсь. Любӧ найӧс аддзыны, — Кужӧны и сёрнитны, Уджын — кодзув судзӧдны, Ёрткӧд — гӧгӧр ладитны. Но ме бокын сулала Тайӧ гажа визь вывсьыс, Шогнам бӧрӧ кылала, Кӧні гаж оз визнитлыв. Чужсьылӧма кыв-вортӧг Пемыд войся бушколын. Быдмӧма мич аддзывтӧг Сьӧд вӧр шӧрын, пармаын. Век жӧ шуа ныв-зонлы: Ветлӧй гажа кӧлысьӧн, Дзирд мед кояс тӧлысьыс, Кывтіг эзысь пелысӧн! Сьылӧй, ворсӧй, гажӧдчӧй, Сяркъялӧй да стокъялӧй. Сӧстӧм паськыд енэжыс, Долыд миян олӧмыс!
