СВЕТА ПУКТІС КАТШАСИН


Чиркъяс садьмалісны борйын,
Кыдз пу вож нин ворсӧ корйӧн.
Садьмис Света, ичӧт ныв.
Нюмдіс сылы ывла выв.
Нюмдіс тшӧтш и град выв пуктас,
Нывлӧн медся гажаин.
Света шуӧ:
— Борйысь пукта
Татчӧ мича катшасин.
Ноксигмозыс сійӧ сьылӧ.
Суседъясӧдз юргӧ кылӧ:
— Тані медся гажаин,
Быдмы, мича катшасин.

Уджыс муніс, уджыс пуис.
Сэтчӧ-й мамыс нывсӧ суис:
— Аттӧ дивӧ, мый он думышт,
Вӧчас менам ичӧт ныв!
Но эз дӧзмы, петіс нюмыс.
Кутліс нылӧс мамлӧн сыв.