СЬӦЛӦМЛЫ


Оз ӧд медводдзаысь борд вечикӧс чегны,
Ог ӧд медводдзаысь кымынь муӧ усь.
Мелі турун, кӧть и порсьлы лекйӧдз,
Небзьӧдыштас усьӧм. Олӧм кузь:

Удитласны бурдны чегӧм лыяс,
Бара вывлань лэптас ёнтысь борд.
Вермас лоны, бара кодкӧ лыяс,
Гашкӧ, гӧтыр либӧ вӧвлӧм ёрт...

Но он песовт другысь коми морттӧ.
Усьӧм-чеччӧм вежласьӧны мед.
Сӧмын, мыйла, сьӧлӧм, чеччан ортсӧ?
Личсӧ тэныд, другӧ, ог на сет.