ПУКСЬЫ ОРЧЧӦН ВАЙ ТЭ
Пуксьы орччӧн вай тэ, пуксьы орччӧн вай тэ: Мелі синъясад тэд кӧсъя видзӧдны ме. Гашкӧ, медбӧръя лун, гашкӧ, медбӧръя час, — Мунӧ ыджыд война, — гашкӧ, талун приказ. А приказ — сійӧ фронт, — бӧр сэсь уна оз лок. Водзвыв нинӧм он тӧд, шуд сэн виччӧ аль шог. Пуксьы орччӧн вай тэ: мусӧ чишкалан би Оз на ветлы кӧ тан, здук кӧть пукалам ми. Сьӧлӧм тіпкӧмлысь шы муртса кывзыштам чӧв, Гашкӧ, тӧдмалам сэсь, кутшӧм ловзьӧдчӧ тӧв. Бур кӧ, лэптам бокал, лэптам ыджыд бокал, Шуам: «Воис тэн пом, пеж фашистскӧй шакал!» Лэптам ыджыд бокал налӧн вермӧмлы ми, Кодъяс фронт вылын пыр враглы кисьтӧны би. Найӧс нимӧдам тшӧтш, кодъяс нуӧны удж, Медым ёнмӧдны фронт, враг мед сэті эз вудж. Пуксьы орччӧн вай тэ, пуксьы орччӧн вай тэ: Мелі синъясад тэд кӧсъя видзӧдны ме. А кор воас приказ бойӧ тӧвзьыны тась, Мунам сійӧ жӧ здук, мунам сійӧ жӧ час. И коричневӧй зверь, коді талун зэв збой, Кӧин туй вылас сэк ассьыс сьылӧдас шой!
Гижӧд
Пуксьы орччӧн вай тэ
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1