ПӦЧӦЯСЛӦН ЛУН
Тӧрыт велӧдысьным миян Шуис: — Кывзӧй, челядьпиян, Пӧрысьяслӧн праздник лун Тіян эськӧ мед оз вун. Налы отсасьны пӧ колӧ, Медым радлун таысь волӧ. Тӧрыт школа бӧрын Даньӧ Вӧлі зільӧн да зэв шаньӧн. Пӧчлысь керка джоджсӧ чышкис, Пӧвйысь сімӧм кӧрт тув кыскис, Ветліс вала юкмӧс дорӧ, Вӧлі содтӧд уджсӧ корӧ. Талун сылы шуӧ пӧчыс: — Пиук, улӧс коксӧ вӧчышт. Легзис важмӧм улӧс кок, Усян кӧ ӧд — ок, ок, ок! Даньӧ чуймис, шуӧ пӧчлы: — Талун дыш мен немтор вӧчны. Тӧрыт, тэнад ӧмӧй вуніс, Пӧчӧяслӧн вӧлі луныс ?!
Гижӧд
Пӧчӧяслӧн лун
Жанр: 

lkejrlkelkrgner klrjnelknfrkl ekjnrjkenfrej

1