ОЗ-Ӧ КЫДДЗЫС КОЛЛЬӦДЧЫНЫ КОР


Со и ваймӧ, ваймӧ лунся жарыс.
Гожъялыштӧм ныв кодь ывла выв
Потшӧс вывсянь петук чилзӧ яра,
Садйын чикыш тэчӧ сьыланкыв.

Дзебсьӧ шонді мӧдлапӧвса раскӧ,
Унзіль тыын пуӧ посни гыч.
Небыдика менам ӧшинь тасӧ
Инмӧдчылӧ ӧшинювса кыдз.

Мыйкӧ меным шӧпкӧдыштӧ кылӧ,
Тӧвру улас сыркмунлӧ веж кор.
Петала да юала ме кыдзлысь:
Оз-ӧ менӧ колльӧдчыны кор?