ОЛА КӦТЬ КАРЫНЧастӧ волывла думысь Аслам ичӧтик сиктӧ, Кӧні кыалӧн нюмыс Шуда лун вылӧ ликтӧ; Кӧні первойысь нывкӧд Асъя югыдӧдз ветлі; Кысянь ичӧтик нопйӧн Ас шӧр туй вылӧ петлі... Шонді петігӧн ловзьӧ Лэбач гӧлӧсӧн ывла, Йирсьысь мӧсъяслысь ӧнӧдз Жыннян шыяссӧ кывла. Меным донаӧсь ёльяс, Джуджыд туруна видзьяс... Кӧні челядьдыр коли — Ставсӧ сьӧлӧмын видза. Лэчыд коса и куран Кутны кужа на киын... Дона сиктӧй, тэ менӧ Помӧдз лыддьы ас пиӧн. Сиктса йӧз дінӧ муслун Менам некор оз ямлы. Таысь медыджыд аттьӧ Талун висьтала мамлы. Ачым ола кӧть карын, Но став вир-сӧнӧн — сиктса. Гашкӧ-й, сы вӧсна бара Сиктлы кывбурӧс сиа.
