НЯНЬ КӦРӦН ӦВТӦ АСЫВВОДЗ


Сэзь енэж шӧрӧ тӧлысь джын
Сюрс кодзув пиӧ йӧжгыльтчӧма...
Пач трубаясысь пуркйӧ тшын,
Мен йирмӧг вир-яйӧдз оз мӧрччы.

Сикт бара садьмӧ водзсьыс-водз.
Мен мамӧ туйӧ дасьтӧ кӧвдум.
Нянь кӧрӧн ӧвтӧ асывводз —
Ок, кутшӧм чӧскыд кӧрӧн ӧвтӧ.

Ас сиктӧй лунӧ бана, рам:
Быд лым чир сьӧлӧмӧс тан шонтӧ.
Пыр медводз сиктын чеччӧ мам,
Мам бӧрын сэсся садьмӧ шонді.