* * *

Ме гажтӧмтча тэысь.
Мен олӧмсьыс нинӧм оз ков.
Ни йӧз тыра ывла,
		ни лонтывтӧм, кӧдзалӧм гортӧй.
И кодъяскӧ бара на локтасны рытнас ме ордӧ,
Но сійӧ, мый виччыся,
			талун ни аски оз ло.

Ме гажтӧмтча тэысь,
		и сыркмунлӧ быд шыысь лов.
А сьӧлӧмӧй тӧдӧ —
			и некыдзи сійӧс он ылӧд.
Но бара ме войяснас гӧлӧстӧ
				ас пытшкысь кыла.
И бӧрда,
		и горза,
				и асылыс некыдз оз лок.

Ме гажтӧмтча тэысь.
			А талунъя чӧв олысь лым
Мен ӧшинь пыр синъясӧ ньӧжйӧник
						гылалӧ бара.
И ме йылысь вӧталӧ лым пиас
					вугыртӧм карыс.
Ме гажтӧмтча тэысь...