КАЗАК
Рытъя енэжтасӧ ӧзйӧма кумач, Мунӧ верзьӧм вӧла тӧвныр этшӧн нач. Бокъясас гранатаяс, дзирдалӧ клинок, Гачыс гӧрд лампасъяса, ачыс абу лёк. Сьӧласьӧны пушкаяс, потласьӧ снаряд. Зонлы найӧ веськодьӧсь — мусук дінӧ рад. Сылӧн рудов кӧсаяс, стройнӧй, мича стан, Синъясыс — кыдз чӧдлач, шондіалан бан. Зяткӧ вӧв збой кокъяснас, бӧрӧ кольӧ бус, Катласьӧ, веж паськӧма, чолӧмӧн быд куст. Со и тӧдса местаяс, муса кильчӧ дор. Тӧлысь сэтчӧ бисерлысь кисьтӧ лыдтӧм шор. Али коркӧ татӧні том эз кольлыв кад? Али еджыд дзоридза тан эз шӧпкыв сад? — Тпру! — и пыр жӧ вӧв вылысь чеччыштӧ салдат, Шыгыртны и окавны муса нывсӧ рад. Сӧмын зонлы паныд тай некоді оз пет, Некод тӧдса керкаын ассьыс шы оз сет. Рытывлань бӧр пышйигӧн — абу тшӧт ни лыд — Жугӧдчисны немечьяс тӧрыт тан рытбыд. Налысь чирзан гӧлӧсъяс некоді эз кыв, — Усис чорыд косьын повтӧм да збой ныв. Куйлӧ, сылӧн морӧсын... Пурт сэн видзӧ зур. Копыртіс казак ассьыс кудрияса юр. Вӧв вылас надз, чӧла пуксис, вӧтліс вӧв, Тышӧ, вылын сабляӧн, лэбовтіс, кыдз тӧв. И оз мездысь водзӧсысь людоед-палач, — Пырас сылӧн керкаӧ билӧн гӧрд кумач!
Гижӧд
Казак
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1