КАНЬ ДА ШЫР


Ӧтчыд, регыд-ӧ ли дыр-ӧ,
Васька каньным кыйис шырӧс.
Гортас сёйны сійӧс нуӧ.
Шырыд каньлы сэки шуӧ:
Мыссьытӧг пӧ он жӧ сёй,
Висьмас кынӧм — ой, ой, ой.
Сёйӧм водзын, мый кӧть вӧчӧ,
Мыссьӧ пӧльыд, мыссьӧ пӧчӧ.
Весиг Даньӧ, вильышпоз,
Тӧдӧ, кӧні мыссян доз.
Мыссьыштнытӧ каньлы дыр-ӧ?
Лэдзис сійӧ вомсьыс шырӧс.
Эз тай нӧрзьы мудер шыр,
Пышйис сійӧ пырысь-пыр.
Ёна дӧзмис Васька кань,
Мыйла шыркӧд вӧлі шань.
Сэксянь гортын кӧть град йӧрын
Мыссьӧ сӧмын сёйӧм бӧрын!