ГАЛСТУК РӦМ
Вася Ванякӧд — вокъяс, Алӧй галстукныс яр. Тэрыб кияс да кокъяс, Кыкнанныслы дас ар. Йӧрын Вася да дедыс Зырйӧн кодйӧны гу, Сэтчӧ садитны медым Вӧрысь вайӧм льӧм пу. Но, а Ваняыс кӧні? Оз тай ноксьы тшӧтш тан... Сылы некор пӧ ӧні: Чагйӧн лыясьӧ Вань. Босьтас чагторсӧ киас, Лыяс град вылӧ — жбыр. Вася вокыслы сійӧ Ассьыс сетӧма зыр. Вася отсасьны кужӧ, Вайис куйӧд, сьӧд му, Банйис зонкалӧн чужӧм. Сувтіс сад йӧрӧ пу. — Гӧрдджык, — пӧль сэки шуис, — Вася галстуклӧн рӧм, Да и козьналас пуыс Сӧмын Васялы льӧм. Дӧзмис Ваньӧыд таысь: — Тайӧ, дед, абу збыль, Ӧти рӧмаӧсь найӧ, Кыкнан галстукыс выль. Сюся нюмдыштіс дедӧ — Гӧгӧрвоис ӧд Вань: Сылы ошкӧмыд шедӧ, Коді удж вылын шань.
Гижӧд
Галстук рӧм
Жанр: 

lkejrlkelkrgner klrjnelknfrkl ekjnrjkenfrej

1