ФРОНТ ВЫЛЫСЬ ВОӦМ МЫСТЬ Ананий РазмысловлыАнаний! Ас муын ме бӧр, Ас, радейтана Коми муын! Кыдз ӧвтӧ меным шоныд руӧн! Ме аддза Эжва, помтӧм вӧр. Ананий, ас муын ме бӧр! Со менӧ еджыд пароход, Лӧз васӧ вундіг, Сыктывкарӧ, Ас карӧ катӧдӧ, и бара Паль Сотчӧмыдлысь енэж от Ме аддза. Кылан, муса ёрт? Тан сэтшӧм чӧв! Тэ пушка гор Ни весиг лыйӧм шы он кывлыв. Кыдз лӧдзьяс, пуляяс оз сьывны. Тэ мӧвпав — тэныд морт оз сор, — Оз кыв тан некӧн пушка гор! Но некод тані весь оз ов, — Колхознӧй му вылын и вӧрын Удж тӧдӧ быдӧн: том и пӧрысь, Мед вӧліс фронтлы нянь и сов. Оз, тані некод весь оз ов. Ананий! Гымалӧ война, И биын сотчӧ миян муным. Но кӧні, коді вермас шуны, Мый кисӧ рудзӧдіс страна? Войналы шуим ми война! Враг менсьым чегис сюрса лы, Но бисӧ сьӧлӧмысь эз кусӧд — Пыр аслам чужан муӧй муса. И враг мед югыд мӧвп оз кы, — Би шкваллысь вылас кисьтам гы!
