БУРАСЬӦМ


«Сэсся некор тэкӧд ме ог бурась!» —
Зырымбедьлы дзоля нывка горзіс.
Карскис акань кокӧн сылы юрас.
Эз тай кужны найӧ орччӧн ворсны.

Зонка водзджык вунӧдіс став лёксӧ,
Синмалыштіс гӧгӧр дзоля нылӧс,
Лэптіс лыа пиысь акань коксӧ,
Петшӧр пиӧ шыбитіс зэв ылӧ.

Нюмъялӧмӧн локтіс нывка дорӧ,
Восьтіс кабырсӧ. Сэн, сорласьӧма ёгнас,
Кляничатор лӧзӧн синтӧ ёрӧ.
«Босьт, колӧ кӧ, гашкӧ, ворсны шогмас».