АСЪЯ ШЫЯС

Мамӧлы, Анастасия Ивановна Напалковалы,
коді кувсис 1990ʼ вося октябр 9ʼ лунӧ
Мамӧ моз жӧ чеччис пернапасӧн Синсӧ тілигтырйи гожся асыв. Сэсся Эжва юын ыркыд ванас Мыськис ассьыс алӧй чужӧмбансӧ. Шонді везйысь асылыслӧн кӧса. Зарни биӧн енкӧлаыс ӧзйӧ. Лысвавывса уна-уна шонді Асылыслысь кӧмтӧм коксӧ сотӧ. Турун пиын узьысь небыд тӧвру Качис вывлань, лэбис парма-вӧрӧ, Вӧрӧдыштіс пуяслысь веж сывъяс, Шуис налы мортлы тӧдтӧм кывъяс. Кымын водзӧ — асыв сымын ӧддзис, Му и вӧр-ва восьтіс сылы ӧдзӧс. Лэбачьяслысь чукӧртліс собранньӧ, Тшӧктіс сьывны мылаа да шаня. Шыльӧдыштіс юрсӧ бобӧняньлысь, Дзоньвидзалун сиис парма-аньлы. Сэсся мӧдлапӧвлань шлывгис сійӧ Лыдтӧм-тшӧттӧм дзоридзьясӧн киас. Ӧти шоглун менсьым лолӧс личкӧ: Оз нин аддзыв мамӧй тайӧ мичсӧ. Кӧть эськӧ и меным чайтсьӧ ӧнӧдз: Дзиръя дорсянь мамӧй быттьӧ ӧвтчӧ. Енэж бордйыс лои лӧзов шӧвкӧн. Кӧнкӧ ылын, ылын кӧкинь кӧкӧ: Ланьтыштлас — и бара водзӧ сьылӧ, Быттьӧ мамлӧн сьӧлӧм тіпкӧм кылӧ.
Гижӧд
Асъя шыяс
Жанр: 

lkejrlkelkrgner klrjnelknfrkl ekjnrjkenfrej

1