АКВАРИУМ


Стеклӧ дозйын быдса море,
Зарни чери сэні ворсӧ:
Сьӧмысь вурӧм дӧрӧм-гача,
Быттьӧ ёлкавывса чача.

Ӧдйӧ шлывъялӧ сэн гуппи:
Уна рӧма сылӧн юбка,
Пӧктӧг, ловйӧн чужтӧ арпи,
Нимыс чериыслӧн Марпа.

Лыа-изъя море пыдӧс,
Сета сёян: нидзув, шыдӧс.
Чери сом сэн — зэв кузь уска —
Медся зіля сёйӧ-нускӧ.

Стеклӧ дозйын быдса море,
Уна чери сэні ворсӧ...
Кӧсъя босьтлыны ме воддзӧ,
Да оз сюрӧдчыны соддзӧ.