ЮЯС ӦТЛААСЯНІНЫН
Рам Сыктыв ю лӧз Эжва юӧ усьӧ, И ытвадыр оз тыдав дор ни пом, — Зэв визув, ыджыд мичлуна и том — Кык ю сыв улын видз и вӧр сэн мыссьӧ. Кӧн Эжва сэн? Кӧн Сыктыв? — ӧти море, Веж гыӧн ворсысь помасьлытӧм эрд. Кӧть паныд тӧлыс вензьӧ — но и мед — Оз бӧрыньт сійӧ визувлысь ён морӧс! Кор воӧ тулыс — ӧвсьытӧм и крут, Сэк ытсьӧм васӧ ураган оз кут, — Пыр визувтӧ и нуӧ, кӧть сэн изъяс. Кык тайӧ ытсьӧм юыс моз жӧ дзик Народ народкӧд ӧтлаӧдӧ ки Да туйсӧ ассьыс панӧ коммунизмӧ! 1949 во.
Гижӧд
Юяс ӧтлаасянінын
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1