* * *

Шондісӧ сьӧлӧмӧй ӧдва нин казьтылӧ,
Вижӧдіс йӧр.
Тӧвруыс пузчужӧм лымчирӧн разсьылӧ,
Быттьӧкӧ шӧрт.

Лӧньӧма ваыс — ни увлань, ни вывланьӧ,
Сӧніклы рад.
Тась, сэсся, некор да нинӧм ог кывлы ме.
Кулӧма кад.

Бадьяслӧн летйысьӧ енэжа кушинас
Паськӧдӧм ки.
Колӧкӧ, бурджык, мый эгӧ и шусьылӧй
Гозъяӧн ми.

Шондісӧ сьӧлӧмӧй ӧдва нин казьтылӧ.
Вӧлі, эз вӧв?
Асъядор олӧмӧс топӧдас кабырас
Тӧв...