СТОЯНКА ДОРЫН
Зонъяс вайисны ю йывсянь пуръяс И стоянкаын сдайтісны вӧр. Гажа кыр йылын вӧлісны нывъяс, — Вывті жаль мунны тэрыба бӧр! Пӧжис шонді веж тувсовъя муӧс, Ӧвтіс видз вывсянь чӧскыдик дук. Небыд тӧвру тшук серӧдліс юӧс, — Лӧсьыд шойччыштны татӧні здук! Зонка лабутнӧй, рудіник синъяс, Пуксис кыр йылӧ — мича и ён, Восьтіс гудӧк, и чуймисны нывъяс, — Сэтшӧм лӧсьыда ворсіс том зон. Ме ог тӧд, мый на морӧсын пусис, Но кор ыркъяліс небыд лун тӧв, Быдӧн дзоргисны зон вылӧ гусьӧн, Мыйкӧ мӧвпаныс гартісны чӧв. Зонъяс шойччисны кыр йылын муртса И прӧщайтчисны нывъяскӧд бӧр: — Мӧдысь волытӧдз, гулю лӧз синъяс, Бура тіянлы пуръявны вӧр! Колис тулыс, — кад исковтӧ вӧт моз, — Кыркӧтш дорын, кӧн ӧтка дзор коз, Быдӧн виччысьӧ, гадайтӧ ӧтнас: Гашкӧ, воас, а гашкӧ и оз. 1948 во.
Гижӧд
Стоянка дорын
Жанр: 

lkejrlkelkrgner klrjnelknfrkl ekjnrjkenfrej

1