ПОТАНДОРСА


Ӧввӧ, узь жӧ, муса пи,
Овны бӧрдтӧг колӧ:
Вӧльнӧй Рӧдинаын ми
Олам шуда олӧм.

Кымын школа тіянлы,
Майбыр, восьса ӧні!
Тӧдӧмлунтӧ судзӧдны
Эм тай тэныд кӧні.

Тэн кӧ муса инженер,
Туйыс паськыд, восьса.
Пукты велӧдчӧмӧ сер,
Сійӧ ним тэ босьтан.

Кӧсъян вермавны тэ от
Енэжлысь, кыдз Чкалов?
Велӧдчы и ло пилот, —
Эм сы вылӧ право.

А оз кажитчы пилот,
Ло тэ агрономӧн,
Быдты шобділысь выль сорт,
Лоан тэ учёнӧй.

Миян быдлаын почёт,
Кӧть мед кӧн эн уджав,
И оз топӧд курыд шог,
Эм кӧ тэнад кужӧм.

Ӧввӧ, узь жӧ, муса пи,
Овны бӧрдтӧг колӧ.
Вӧльнӧй Рӧдинаын ми
Олам шуда олӧм!

1947 во.