КЫК ПӦДРУГА


— Кыптысь ыджыд кымӧр водзын
Пемдӧ дзоридза веж лог.
Мый, пӧдруга, юртӧ лэдзин,
Али овны тэныд шог?

— Ой, эн сёрнит тэ, пӧдруга,
Позьӧ шуны, воис пом:
Менӧ бракуйтӧма конюх,
Коралӧ жӧ агроном!

— Менам милӧй — бригадир,
Настӧящӧй командир,
Кужӧ бура уджавны,
Колльӧдны и окавны.

— Куим туфли гоз ме кисьті,
Клубтӧг ӧти рыт ог ов.
Ой, пӧдруга, меным висьтав:
Мыйся сэтшӧмыс любовь?

— Ой, кыдз висьтала, пӧдруга?
Меным пуктін ыджыд мог.
Аддзан мусуктӧ, сэк — радлун,
А он аддзы — вывті шог.

— Сё куплет ме рытын сьыла,
Кытчӧдз кыаыс оз пет.
И быд строчкаын, быд кывйын
Казьта мусукӧс ме век.

— Ой, любовь, ой, любовь,
Кутшӧми тэ тешкодь!
Меӧ радейтчӧма пред.
Меным жӧ дзик веськодь!

1954 во.