* * *

Кор ылыс туйӧ мунӧм вичмӧ,
Ас чужан муӧс кольны жаль.
Сэк тэнсьыд, Эжва бокса кыдз пу,
Ме босьта сьӧлӧмӧ быд чаль.

Сэк сьӧрысь нуа пашкыр козъяс
И пожӧмъяса быдса яг,
Кӧн котсьӧ дозмӧр аслас позйын
И чеччӧ друглӧн сира чаг.

Лӧз видзӧдлассӧ Эжва юлысь
Ас синмӧ босьта, некор мед
Зэв ылыс муын шог эз сулыв,
Мед лоис долыдӧн быд эрд.

Ой, Эжва, Эжва, муса юӧй,
Тэ, Коми му, ас чужан му!
Сэк сӧмын вунанныд, кор кула,
Кор менӧ босьтас пемыд гу!

1961 во.