ДЕРЗОСТЬ ЙЫЛЫСЬ БАЛЛАДА

Вой-Вожса славнӧй комсомолецъяслы да том йӧзлы, кодъяс сэні заложитісны первой нефтянӧй скважина.

Тиманскӧй дзор из сайын — пемыд тайга,
Нефть аддзӧма татысь геолог.
Но писькӧдчан кыдзи? Тан — нюръяс да ва,
И абу ни ордым, ни вӧлӧк.

— Код медся отважнӧй, медповтӧм да збой,
Мед письтны му гырк пиӧ тані?
Став сьӧкыдсӧ вермалас кутшӧм герой?
Код сувтас ва нюр вылӧ станӧн?

Зэв сьӧкыд и кывкутан сулаліс мог,
Но полысьяс абуӧсь миян.
— Ми, комсомолецъяс, — шуис том морт, —
Орлинӧй отчизналӧн пиян!

Удж вӧлі зэв сьӧкыд, но тӧдӧ став мир
Сӧветскӧй том йӧзлысь дерзанье:
Фонтанӧн тан брызьнитіс мулӧн сьӧд вир,
И дзирдалӧ сійӧ, кыдз зарни!

1948 во.