ГОРДОСТЬ


Ме муна Киевӧд. Сэн креж йылын важ лавра.
И зарни куполыс, кыдз факел, восьтӧ мен
Ас дзирыд югӧрнас зэв ылӧ кольӧм нэм
И князь Владимирӧс, — былиннӧй роч му ставнас.

Зэв ыджыд миян му. И Соловей-рӧзбойник
Эз ӧти сэтчӧ волыв, вуджиг уна нэм.
Но Муромец Илья пыр вӧліс и век эм, —
Враг зілис, но эз вермы миянлысь му лойны.

Тэ дзирдав аснад, томмӧм, выльмӧм Киев,
И кыпӧд юртӧ водзӧ, енэжса лӧз пивйӧдз,
Мед шензьӧ тэнад мичлунӧн, кыдз ме, став му выв мир!

Роч му и Украина — вернӧй ыджыд чойяс,
И найӧ кыптӧны, мӧд-мӧдлысь кутіг сойяс.
Эг весьшӧрӧ ми тышын кисьтӧй алӧй вир!

1968