МИЯН ПИЛЯ ДЕД
Збодер кыйсьысьӧн вӧвлі Пиля дедным зэв томсянь. Собліс арын и тӧлын Пемыд яг-нюръяс вомӧн. Парма чуркйын вӧр керка, Орччӧн из горъя пывсян. Читкыль бӧжа пон Серко Дедкӧд уна во кыйсис. Бур кӧзяин моз дедным Ветліс чӧс туйяс вывті. Койтысь тар-сьӧла лыйны Киыс некор эз кыптыв. Йӧзлӧн капканысь кӧчӧс Аслас нопйӧ эз босьтлы. Шоныд банькалысь ӧдзӧс Тӧдтӧм кыйсьысьлы восьтліс. Бордтӧм кайпиӧс вӧрын Сійӧ пуксьӧдліс позъяс. Медым вотчысь эз йӧрмы, Уна ёль сійӧ посйис. Сюмӧд чибльӧгъяс кольліс Нимтӧм ключ ваяс дорӧ. Лэбач чукӧрлысь дзользьӧм Сійӧ кывзывліс сёрӧдз. Ӧти кывйӧн кӧ, Пиля Чужліс пармалӧн пиӧн, Вӧчны бурторъяс зільліс Пӧльтчӧм сӧнъяса киӧн. Сэсся-й арлыдыс век жӧ Сійӧс вермыны мӧдіс. Кӧть и зэв ясыд вежӧр, Чиніс кокъяслӧн ӧдыс. Ӧні сьӧкыд нин сылы Урлы веськавны синмас Сӧмын вӧравтӧг, быттьӧ, Абу сьӧлӧмлы инас. Чужтіс вӧравны муслун Сиктса уна том мортын. Пиля ас чужан мулы Колис нэм кежлас ёртӧн. Тӧвся асылӧ чеччас, Босьтас важиник лазсӧ, Паськыд лямпаӧн сетчас Эжва юбокса раскӧ. Оз босьт капкан ни ружье, Наысь гажыс кӧть бырлӧ. Тошкӧн ройсялӧм чужӧм Еджыд гыӧрӧн тырлӧ. Посни внукъяслы сьӧрысь Ваяс «кӧч гӧснеч» лазъяс. Да и мыш вылас вӧрысь Гӧлик росъяс на ваяс. Некод оз сяммы сы моз Вӧчны челядьлы дадьяс. Мог кӧ кодӧскӧ суас, Корам быть Пиля дядьӧс. Вӧчас лайкан и потан, Ӧшинь стеклӧяс пуктас Зарни кияса мортлӧн Отсӧг быдӧнлы чуктас. Ковмас — вурунтӧ летас, Вӧчас улӧс и пызан... Частӧ корлӧны дедӧс Сиктса школаӧ ныв-зон. Медым сьӧлӧмыд ӧзйис, Медым шыаліс олӧм, Чужан мутӧ и йӧзсӧ Дед моз лелькуйтны колӧ.
Гижӧд
Миян Пиля дед
Жанр: 
Пасйӧд: 

Мӧд версия: Поп пи

lkejrlkelkrgner klrjnelknfrkl ekjnrjkenfrej

1