* * *

Тэнад синъясыд — бипур, коді ньӧжйӧник ваймӧ,
Коді сотчӧ на быттьӧ, но оз аддзы нин вын,
Медым шевкнитны борднас, помтӧм енэжас кайны...
Тэнад синъясыд — бипур, коді джынвыйӧ кын.

Тэнад синъясыд — юкмӧс, коді джуджыдӧн вӧвлі,
Коді воштыліс пыдӧс лӧзов енэжыс моз.
Ӧні — пыдӧстӧм гуран, кӧні дзебсясьӧ чӧвлун.
Тэнад синъясыд — юкмӧс, коді важӧн нин кос.

Тэнад синъясыд — йӧла, коді шыасьліс воча,
Кодлӧн чукӧстлӧм вылӧ вӧлі дась воча кыв.
Сӧмын шыасьлӧ ӧні меным йӧлаыс шоча.
Тэнад синъясыд сӧмын — сьӧлӧм куталысь тыв.