ТЭКӦД МИ...


Тэкӧд ми — шонді да тӧлысь,
Тэкӧд ми — лун шӧр да вой.
Тэкӧд ми — збыльмытӧм кӧлысь,
Тэкӧд ми — куслытӧм дой.

Лунтыр кыдз виччысьӧ шонді
Тӧлысьлысь мыччысян кад,
Тэнӧ ме виччысьны понді,
Лов сӧмын тэ вылӧ рад.

Сӧмын тай некор оз мыччысь
Шондікӧд войыслӧн пи.
Нэмтӧ кӧть сійӧс тэ виччысь —
Шудыс оз мыччывлы ки.

Пышъялӧ шондіысь тӧлысь,
Лунсьыс кыдз пышъялӧ вой.
Тэкӧд ми — артмытӧм кӧлысь,
Нэм кежлӧ — сьӧлӧмын дой.