* * *

Талун гортын сэтшӧм гажа,
Батьлӧн чужӧм вылас нюм.
Сійӧ виччысис нин важӧн
Каникулъяс воан лун.
Быд рыт урок вӧчны мекӧд
Колӧ терпенньӧ да вын.
Сы моз мырсьынысӧ некод
Гортын мекӧд оз и мын.
Ыджыд чойлӧн аслас уна
Гортса уджыс, юр выв тыр.
Мамлӧн ставыс важӧн вунӧм,
Велӧдчӧм и челядьдыр.
Быть ӧд вунӧд, рыт и асыв
Сылӧн помасьлытӧм удж.
Ог тӧд, водӧ кымын часын,
Гашкӧ, оз и водлы сутш.