* * *

Сувтны эськӧ пелысьӧн
Тэнад ӧшинь улӧ.
Дзоридзавны син водзад,
Гажӧдны быд тулыс.

Лоны эськӧ шондіӧн,
Суны узянінад.
Шоныд, мелі югӧрӧн
Инмӧдчыны дінад.

Петны эськӧ тӧлысьӧн,
Югдӧдны мед войсӧ.
Висьӧ кӧ том сьӧлӧмыд,
Юкны ӧтмоз дойсӧ.

Лэбны эськӧ лун тӧлӧн,
Тэнӧ туйысь корсьны.
Тӧдлытӧгыд сывйыштны,
Шӧвк юрсинад ворсны.

Сьывны эськӧ колипӧн,
Гажӧдны мед тэнӧ.
Сӧмын, муса мортанӧй,
Абу тай тэ менам.