СИКТСА ЧЕЛЯДЬЛЫ


Сиктса челядь котырӧй,
Пармаса ныв-пиянӧй,
Видзвывса яр дзоридзьяс,
Радейта ме тіянӧс.
Кӧмтӧм кока войтырӧй,
Зорӧд дорӧ верзьӧмӧн
Турун юръяс ваялад
Панласьӧмӧн, вензьӧмӧн.
Пажын кадӧ лӧзӧдтӧдз
Ваысь онӧ петалӧй.
Сёйны пуксид — вӧвъяслы
Няньтӧ джынсӧ сеталад.
Урлысь сиктӧд вуджӧмсӧ
Ті жӧ медводз казялад,
Вӧтлысяд да вӧтлысяд,
Дӧрӧмныд тшӧтш вазьылас,
Ӧти здук он весь олӧй,
Век нин мыйкӧ керанныд.
Дышӧдас кӧ ворснытӧ,
Йӧлӧгаӧс неранныд.
Сэтшӧм ті мен мусаӧсь,
Пармаса ныв-пиянӧй,
Сійӧн гажӧй бырлывлӧ
Медся ёна тіянысь.