* * *

Мыла сьылан
Сьӧлӧм вылын,
Мед кӧть слӧта, зэра ар.
Арся войӧ
Дзирдӧн койӧ
Серамбана Сыктывкар.

Абу важкодь
Няйт да гажтӧм,
Майбыр, талун абу чӧв.
Кыпыд лола,
Мича, долыд,
Сійӧ виччысьӧ со тӧв.

Коми муӧй,
Мый кӧть шуӧй,
Абу зумыш, абу лёк.
Вылын юра.
Тӧдӧ бура.
Водзӧ вылӧ ассьыс мог.

Лёкыс нэрмӧ,
Бурыс вермӧ.
Ёнджык ӧзйӧ сьӧлӧм би.
Кыптӧ ловным,
Кутам овны
Ёна мичаа на ми!

Нэмъяс кежлӧ
Олӧм вежны
Эбӧс эм и тырмас сям.
Локтан шудӧ
Эскӧм кутӧм
Лун-лун ойдӧ,
А оз ям.