* * *

Кӧсйи тэнӧ вунӧдны,
Паныдасьны полі.
Тэ йылысь жӧ мӧвпъясӧн
Сӧмын на пыр олі,
Уджӧн кӧсйи пӧдтысьны,
Вунӧдны мед тэнӧ.
Сӧмын тэнад синъясыд
Янӧдісны менӧ.
Сэсся вӧрӧ шойччыны,
Пальӧдчыны муні,
Тэ йылысь пыр мӧвпалі,
Мукӧдторйыс вуні,
Думайті, мый вунӧда,
Кор ме узьны воді,
Сӧмын войбыд вӧтъясын
Тэкӧд дзоридз воті.
Сэсся кывбур гижигӧн
Вунӧді нин быттьӧ,
Сӧмын сійӧ вӧлӧма
Тэ йылысь, кор лыдди.