* * *

Кӧдзыд! Лэбачьяс лэбигас кынмӧны,
Гыӧртӧм парма мойдын моз чӧв.
Козлӧн лапъясыс толаӧ инмӧны,
Весиг лӧньӧма кӧдзыд вой тӧв.

Рытъя уличын музыка юралӧ,
Гӧгӧр ворсӧдчӧ бияслӧн дзирд.
Тайӧ мичлунсӧ синъясӧн курала.
Радла тэ вылӧ, ас чужан сикт.

Татчӧс йӧзыс ӧд лябны эз кужлыны,
Удж эз повзьӧдлы налысь зіль ки.
Найӧ веськодя овны эз чужлыны,
Быдӧн новлӧдлӧ сьӧлӧмас би.

Выль во лоас мед нӧшта на югыдджык,
Радлун козьналас войтырлы мед.
Сійӧ лоас мед ёна на шудаджык,
Ваяс ӧтмында шуд мем и тэд.