* * *

Гусьӧник очсалӧ ю весьтын онишмӧм тӧлыс,
Вугралысь синъяссӧ лапйӧдлӧ дзоридза видз.
Сукмӧма рытыслӧн ру сора пӧжасьӧм йӧлыс,
Сьыліас енэжыс ӧшлӧ со кодзула мич.

Нуӧдӧ шувгигтыр сёрни сьӧд пармаыс юкӧд,
Йӧлаыс шыасьлӧ-сетлӧ жӧ гежӧдик кыв.
Мый йылысь вашкӧдчӧ енэж выв кодзулыс мукӧд,
Мый кӧсйӧ висьтавны сьӧд синма вӧрыслӧн сыв?

Гашкӧ, и бур войсӧ сиӧны аслыныс найӧ,
Гашкӧ, и эскӧны, регыд мый чужас выль лун.
Аскӧдыс вӧрыслы-ваыслы мый сійӧ ваяс?
Мед эськӧ шудыс да мичлуныс сьӧрсьыс оз вун.